11.8 C
Скопје
15 јуни, 2024
Inbox7.mk
ВЕСТИНАСЛОВНАРЕГИОН

ЕУ ќе и додели на Турција 400 милиони евра за санација на последиците од земјотресите

Европската Комисија и Турција потпишаа договор со кој преку Фондот за солидарност на Европската Унија (ЕУСФ) на Анкара ќе и биде доделен грант во износ од 400 милиони евра наменети за финансирање на проекти за обнова и санација по катастрофалните земјотреси што ја погодија земјата на почетокот на минатата година.

„Оваа катастрофа, една од најлошите во историјата на земјата, не шокираше сите додека ги гледавме разурнувачките ефекти што таа ги имаше врз турскиот народ. Низ Европа имаше излив на сочувство за изгубените животи и уништените домови“, изјави еврокомесарката за кохезија и реформи Елиса Фереира, која го потпиша договорот заедно со турскиот заменик министер за надворешни работи Мехмет Кемал Бозај.

Таа нагласи дека ова е првпат Турција да добие помош од Фондот за солидарност на ЕУ, но во исто време тоа е и најголема сума што досега и е доделена на една земја кандидат за членство во Унијата преку овој инструмент на блокот од неговото формирање во 2002 година.

„Кога е потребна поддршка, Европа реагира. Не само за нејзините земји членки, туку и за нејзините соседи. ЕУСФ се залага за солидарност со земјите и луѓето“, додаде Фереира.

Оваа сума од 400 милиони евра е дел од поддршката за Турција во вкупен износ од една милијарда евра што ЕУ ја најави лани во март на Меѓународната донаторска конференција, чии кодомаќини беа Европската Комисија и тогашното шведското претседателство со ЕУ и на која беше ветена помош за санирање на последиците од земјотресите во Турција и Сирија во вкупен износ од седум милијарди евра.

Related posts

Груби: Процесот на децентрализација ги опфаќа идеалите на еднаквост, толеранција и социјална кохезија

ninja

Републиканците во Сенатот го блокираа нацрт-законот за помош на Украина и Израел

admin

ЕП: ОД 2035 НЕМА ВЕЌЕ АВТОМОБИЛИ НА ДИЗЕЛ И БЕНЗИН

ninja

ЌЕ СПРЕЧАМ ТРЕТА СВЕТСКА ВОЈНА АКО СТАНАМ ПРЕТСЕДАТЕЛ, РЕЧЕ ТРАМП

ninja

Ужасен случај: 14-годишна натерана на секс со возрасни, се согласила да ги спаси помалата сестра и брат

admin

КОВАЧЕВСКИ ВЕТИ НОВА ЕНЕРГИЈА ПО РЕКОНСТРУКЦИЈАТА

ninja