Затворениот руски опозициски лидер Алексеј Навални е пронајден мртов, јавуваат руските медиуми кои се повикуваат на Федералната затворска служба.
Рускиот опозициски политичар Алексеј Навални почина во затвор, јави руската државна новинска агенција ИТАР-ТАСС.
Агенцијата пренесува дека одделот на руската Федерална служба за управување со казнениот систем (ФСИН) пријавил смрт на Навални во казнената колонија.
„На 6 февруари 2024 година, во поправната колонија бр. 3, осуденикот Навални А.А. се чувствувал лошо по прошетката, речиси веднаш изгубил свест. Веднаш пристигнале медицински работници од установата и била повикана екипа на Итна медицинска помош“, се вели во соопштението од ФСИН.
Оттаму додаваат дека “се преземени сите неопходни мерки за реанимација, но не дале позитивни резултати. Лекарите од итната помош констатирале смрт на осудениот. Се утврдуваат причините за смртта”.