Отворениот противник на вклучувањето на Бугарите во Уставот на Северна Македонија, Жидас Даскаловски, е државјанин на Бугарија повеќе од 20 години, објави БГНЕС.
Проф. Даскаловски е советник за надворешна политика на македонската претседателка Гордана Силјановска-Давкова. Според бугарскиот медиум, тој добил бугарско државјанство по бугарско потекло во 2003 година, пасошот го обнови во 2022 година.
Во последната деценија македонскиот професор употреби различни дефиниции за Бугарија – од „голем брат“ до „окупатор“. Пред потпишувањето на Договорот за добрососедство, пријателство и соработка (2017), Даскаловски зборуваше за бугарски „нож во грбот на Македонија“, закани со вето итн. Тој денеска ја брани идејата на премиерот Христијан Мицкоски за таканаречените „уставни измени со одложено дејство“, која ја удри Европската Унија.
„Нема ништо лошо во уставот да има Бугари, Црногорци, Хрвати, но да го правиме тоа така да не се лажеме, како што направивме со Грција, кога владата на Зоран Заев потпиша договор кој беше требаше да ги отвори вратите, но не. По оваа логика, да бидеме претпазливи, влезот направете го со таканаречено одложено дејство“, вели Даскаловски.
„За политичарите од Софија кои повторуваат дека имало говор на омраза и дека мора да престане, а за блудниците од СДСМ: признајте ги Македонците, јазикот и името – и овде и таму, па нема да има повеќе тензија. Почитта и братското однесување ќе донесат братски односи“, инсистираше тој во февруари 2023 година.
Неколку месеци подоцна Даскаловски ја критикуваше политиката на тогашниот премиер Димитар Ковачевски во однос на Бугарија и Брисел.
Даскаловски ја поддржува македонската теза за „бугарски окупатор“ во Македонија за време на Втората светска војна.
„Иако хитлеровата Германија и Бугарија ги ослободија од српскиот јарем, суровиот репресивен режим, Македонците сакаат слобода и своја влада, а кога не ја добиваат, се креваат против окупаторот“, изјави тој пред две години.
Професорот тврди дека во Бугарија има институционализирана дискриминација на самоидентификуваните Македонци.
БГНЕС потсетува дека бугарското државјанство се добива врз основа на потврда за бугарско потекло. Секој кандидат мора да потпише изјава дека има бугарска национална самосвест.
И Министерката за енергетика, Сања Божиновска, се обиде да го прикрие бугарското државјанство и најави дека ќе ги праша своите адвокати дали се чувствува Бугарка. Сите членови на нејзиното семејство се носители на бугарски пасоши.