Со израелски воздушен напад беше прекинат главниот автопат што го поврзува Либан со Сирија. Воздушниот напад доведе до затворање на патот во близина на Граничниот премин Масна, од каде десетици илјади луѓе кои бегаат од војната во Либан преминаа во Сирија во последните две недели.
Либанската државна Национална новинска агенција соопшти дека израелскиот воздушен напад довел до затворање на патот во близина на фреквентниот граничен премин Масна, од кој десетици илјади луѓе кои бегаат од војната во Либан преминале во Сирија во последните две недели.
Видео снимката на Асошиетед прес покажа дека ударите оставиле два огромни кратери на секоја страна од патот.
Германија , Јапонија, Франција, САД и други ги евакуираат своите граѓани од Либан со чартер летови. Германското Министерство за надворешни работи соопшти дека испорачале „неколку“ тони помош за цивилите во Либан .
Министерот за надворешни работи на Иран е во Бејрут и се очекува да разговара за војната меѓу Израел и Хезболах со либанските власти, неколку дена откако Иран лансираше најмалку 180 проектили во Израел. Иран е главниот поддржувач на Хезболах.
Претседателот Бајден во петокот беше замолен да ги разјасни своите коментари за тоа дали Израел треба да размисли за напади врз иранските нафтени постројки, „Мислам дека ако бев во нивна кожа, ќе размислував за други алтернативи освен за удар на нафтени полиња“.
ОН соопштија дека најмалку 20 загинати во израелските напади врз училиштата кои ги засолнуваат Палестинците во Газа.
Портпаролот на ОН Стефан Дујарик во петокот изјави дека три училишта управувани од агенцијата на ОН што им помага на палестинските бегалци биле погодени во последните два дена.
Агенцијата УНРВА вели дека училиштата „никого не може да ги користи за какви било воени цели“.
Дужарик вели дека агенцијата на ОН за деца, УНИЦЕФ, и нејзините хуманитарни партнери објавија оваа недела дека најмалку 87 отсто од училишните згради во Газа биле директно погодени или оштетени откако Израел ја започна својата офанзива на палестинската територија.
Тој вели дека една третина од зградите биле училишта на УНРВА.