Заменик-претседателот на Владата, Изет Меџити, не сметал за потребно да ги коментира писмата на лидерот на ДУИ, Али Ахмети, испратени до премиерот Христијан Мицкоски, албанскиот премиер Еди Рама, како и до меѓународните претставници, пишува весникот Лајм.
За време на инспекцијата на работите на делницата од автопатот Гостивар-Букојчани, кој е дел од коридорот 8, Меџити рече дека актуелната влада не се занимава со празни разговори, туку со конкретна работа.
„Денеска не сме тука за писма, не сме тука за празни разговори, денес сме тука за конкретна работа. Не сме тука ниту за да играме фудбал, туку сме тука за важна и конкретна работа како што е коридорот 8 и ми е драго што работите за овој важен проект за државата почнуваат да се реализираат со голема динамика“, рече Меџити.