Премиерот Христијан Мицкоски соопшти дека не го добил писмото кое лидерот на ДУИ, Али Ахмети, го испратил, според претходното информирање на Интегративците преку медиумите. Одговарајќи на новинарско прашање, Мицкоски изјави: „Не сум го добил, кога ќе го добијам ќе го коментирам.“
Премиерот објасни дека секојдневно прима многу писма и пораки и дека внимателно ја одржува комуникацијата со граѓаните. Тој додаде дека Ахмети, како граѓанин, заслужува внимание за секое писмо и дека Владата е посветена на одговорноста и работата.
„Како што рече и вицепремиерот Меџити, ние не играме фудбалчиња, туку сме посветени на работа и на одговорност,“ заврши Мицкоски, нагласувајќи дека писмото од Ахмети сè уште не пристигнало до него.