ДУИ реагираше на изјавите на министерката Јаневска. Од оваа политичка партија велат: „ОВК е сè за Албанците, а не ништо, министерке Јаневска!“
„Изјавите на министерката за образование, Весна Јаневска, претставуваат тешка навреда за Албанците во Северна Македонија и обид за бришење на историската меморија и жртвите на албанскиот народ. Да се каже дека ОВК „не претставува ништо за оваа држава“ е неприфатлив чин, кој покажува недостаток на почит кон значителен дел од населението и обид за занемарување на придонесот на Албанците во оваа земја.
ОВК не е „ништо“ за Албанците – таа претставува жртва за еднаквост, правда и достоинство. За Албанците, ОВК е симбол на стремежот за поправедно општество и за изградба на држава каде секој граѓанин ќе биде еднаков. Секој обид да се негира оваа историска вистина е чин на дискриминација, кој дополнително ги продлабочува меѓуетничките поделби и сериозно ја нарушува општествената хармонија.
Овој селективен и лицемерен пристап е неприфатлив. Да се честуваат Комитите, додека се омаловажува ОВК, е доказ за двојни стандарди и недостаток на искреност од оваа влада.
Како можеме да изградиме заедничко општество, кога министерката за образование, наместо да промовира вредности на еднаквост и заемна почит, користи исклучувачки и навредлив јазик кон дел од граѓаните на оваа земја? Дали ова е начинот на кој оваа влада има намера да ја промовира соживотот и да изгради иднина за сите?
Демократската унија за интеграција силно го осудува овој пристап и бара министерката веднаш да ја повлече навредливата изјава и јавно да се извини. Исто така, бараме оваа влада да размисли и да престане да применува двојни стандарди кои ги продлабочуваат поделбите и ги зголемуваат меѓуетничките тензии.
ОВК за Албанците е историја, жртва и наша гордост. Секој што го омаловажува овој важен симбол треба да разбере дека не може да изгради заедничка иднина преку навреди и исклучување на цел народ. Албанците секогаш давале придонес за оваа држава и никогаш нема да дозволат нивната историја да биде сведена на „ништо“.
Најверојатно, оваа изјава е координирана со вашите коалициски марионети, Вреди“, се наведува во реакцијата на ДУИ.