Иако Владата сè уште не доставила мислење до Уставниот суд околу „солидарниот данок“, премиерот Христијан Мицкоски изјави дека ќе ја почитуваат одлуката што ќе биде донесена. Тој додаде дека, без разлика дали ќе треба да се враќаат средства од државната каса или не, Владата ќе најде начин да обезбеди финансии преку ребаланс на буџетот.
„Ако донесат таква одлука, што да правиме? Ќе ги вратиме тие пари. Ќе скратиме од нешто друго, ќе направиме ребаланс. Тие пари мораме да ги вратиме. Одлуките на Уставниот суд се конечни и не може да се коментираат. Но, исто така, ќе ја разгледаме можноста за кривична одговорност на тие што донесоа одлука на овој начин да се води економијата бидејќи, де факто, луѓето се оштетени. Може утре и камати да ни бараат ако донесе таква одлука Уставниот суд“, изјави Мицкоски.
Според „Гласот на Америка“, Владата не е обврзана да го достави своето мислење до Уставниот суд, но отсуството на мислење не ја прекинува постапката.
Бизнис-заедницата останува на ставот дека законот треба да биде поништен и дека парите собрани преку овој данок мора да се вратат на компаниите.
Три опции пред Уставниот суд
Уставните судии разгледуваат три можни опции за решавање на овој случај. Првата е укинување на законот, со што тој нема да може да се применува во иднина. Втората е поништување, што би значело дека државата ќе треба да ги врати средствата собрани преку данокот. Третата, ретко користена во судската пракса, е запирање на постапката.
Законот за солидарен данок, донесен во септември 2023 година, воведе дополнителен данок за околу 150 компании, од кои беа собрани приближно 50 милиони евра. Бизнис-секторот аргументира дека законот е ретроактивен,