Северна Македонија ќе го измени Уставот за да го замени терминот „20%“ со „албански јазик“, изјави лидерот на движењето Беса, Билал Касами, во интервју за албанската телевизија Тош Чанел, пренесува Инбокс7.
Тој нагласи дека Законот за соодветна застапеност на Албанците е во завршна фаза.
„ДУИ понуди половично решение, кое ќе треба да се коригира со уставни измени. Во сегашниот Устав, албанскиот јазик е наведен како ‘јазикот на 20%’, што не го одразува вистинскиот број на Албанци во Северна Македонија. Со отворањето на Уставот, прашањето на Албанците и неисполнетите ветувања на ДУИ ќе се унапредат“, изјави Касами.
Тој повика Уставниот суд да донесе одлуки кои ќе ги надминат политичките убедувања и ќе го одразат реалниот статус на албанскиот јазик и заедницата во земјата.