Лидерот на ВМРО-ДПМНЕ, Христијан Мицкоски, денес се сретна со Јован Костадинов, 19-годишниот млад човек од Виница кој покажа извонредна храброст спасувајќи 21 лице од запалениот објект во Кочани.
„Јован не е само херој на оваа трагедија, тој е симбол на една нова генерација која знае да направи разлика,“ изјави Мицкоски, нагласувајќи дека неговиот чин е пример за достоинство и несебичност.
Костадинов ќе добие стипендија како признание за неговата храброст, иницијатива поддржана од компанијата „Алкалоид“. Мицкоски ја поздрави оваа одлука, истакнувајќи дека препознавањето на ваквите подвизи е клучно за општеството.
„Јован е светла точка во деновите на темнина. Неговото име ќе остане запаметено,“ додаде тој.