Со свечено пречекување на првите патници на охридскиот аеродром, турската авиокомпанија „Туркиш ерлајнс“ официјално ја стартуваше новата авиолинија меѓу Истанбул и Охрид.
Летовите ќе се одвиваат четири пати неделно – во понеделник, четврток, петок и недела. Компанијата ќе користи авиони „Ербас A321“, „Боинг 737-800“ и „Боинг 737-900“ од својата флота.
Според надлежните, оваа линија ќе има значително влијание врз развојот на туризмот и економијата во Северна Македонија.
На свеченото пристигнување присуствуваа премиерот Христијан Мицкоски, вицепремиерот и министер за транспорт Александар Николоски, главниот извршен директор на „ТАВ Аеродроми“ Серкан Каптан, извршниот директор на „Туркиш ерлајнс“ Билал Екси и турскиот амбасадор во земјата Фатих Улусој.