Демократската унија за интеграција (ДУИ) изрази загриженост за, како што наведува, засилената моноетничка доминација во првата година од владеењето на актуелната власт, а особено за вклучувањето на опозициската партија ВМРО-ДПМНЕ во процесот.
„Јавноста е вознемирена од најавите за средба меѓу лидерот на ВМРО-ДПМНЕ, Христијан Мицкоски, и поранешниот министер за здравство, Венко Филипче, која сугерира можност за создавање нов општествен договор за идните политички процеси“, се вели во соопштението на ДУИ.
Партијата истакнува дека молкот на албанскиот партнер во Владата во однос на овие настани е загрижувачки.
„Република Северна Македонија е препознатлива како функционална мултиетничка демократија со јасно изразена евроатлантска ориентација. Овој систем на вредности е темелно вграден во Охридскиот рамковен договор, Преспанскиот договор и Договорот за пријателство со Бугарија, кои се поддржани од стратешките партнери на земјата – Европската Унија и САД“, се додава во соопштението.
ДУИ нагласува дека земјата има потреба од суштински политички дијалог во институционална рамка, со репрезентативност на сите граѓани и отворена дебата за клучните прашања од национално значење.
„Основниот модел на мултиетничкиот карактер на земјата е загрозен, што истовремено претставува ризик и за нејзиниот европски интеграциски процес. Овие две прашања се од стратешко значење за стабилноста и просперитетот на државата, и за нив е неопходно широк консензус“, заклучуваат од партијата.