Пратеникот од ВМРО-ДПМНЕ, Драган Ковачки, во среда го повика Арбен Таравари, лидерот на Алијансата за Албанците, јавно да објасни дали постои притисок или уцена од страна на коалициските партнери СДСМ и ДУИ, што би можело да ја објасни неговата одлука повторно да соработува со ДУИ.
„Таравари треба јасно да каже пред граѓаните како ДУИ, која до неодамна ја нарекуваше криминална и корумпирана партија, за само 10 месеци стана негов избор за политички партнер,“ изјави Ковачки.
Според него, Таравари дошол на власт ветувајќи дека ќе работи на тоа ДУИ да замине во опозиција, но, како што вели, сега се враќа во нејзиниот „загрaј“. Ковачки тврди дека ваквиот пресврт може да се објасни само со „уцена“ или „друг вид на притисок“, вклучително и можни бизнис интереси.
Тој додаде дека Таравари никогаш не зборувал за застојот во евроинтеграциите или за албанските прашања на седниците на Владата. „Напротив, самиот има изјавувано дека Владата се грижи за Албанците,“ рече Ковачки.
И покрај, како што рече, „недоследноста на аргументите“, Ковачки повторно го повика Таравари да одговори на прашањето дали и со што е уценет од страна на СДСМ и ДУИ.