Лидерот на Алијанса за Албанците, Зијадин Села, изјави дека претходно треба да се добие јасен став од Арбен Таравари пред да се одговори дали тој ќе се приклучи на коалицијата Европски фронт.
„Господинот Таравари е симбол на личност која, додека дејствувал на политичката сцена, повеќе рушел отколку градел. Од моментот кога јас основав политичка партија, тој не е симбол на градење,“ рече Села.
Тој додаде дека движењата на Таравари треба да се разгледуваат со големо внимание од страна на Европскиот фронт, бидејќи политиката бара јасни ставови.
„Ставот треба да биде јавно изразен. За мене не е став ако влезе во она што нè чека на следните локални избори и рече дека ќе соработува со сите, односно дека ќе земе од сите, а што ќе врати во замена? Ништо,“ нагласи Села.