Премиерот на Албанија, Еди Рама, упати критики кон своите сонародници Албанци за фрлање отпадоци покрај патиштата, истакнувајќи дека проблемот не го создаваат туристите, туку самите Албанци од Албанија, Косово и Северна Македонија, кои ги нарече “шќипо”.
„Не е странски турист кој го прави тоа (фрлање отпад). Тоа го прават ‘шќиповцоте’ што патуваат со автомобил – од Албанија, Косово и Северна Македонија“, рече Рама во говорот посветен на водоснабдувањето и управувањето со отпадот.
Тој наведе примери на граѓани кои застануваат на панорамски точки за да фотографираат и да ја промовираат убавината на земјата, но потоа оставаат отпадоци зад себе.
„Имате селфи со изгрејсонце и со шишиња пиво покрај вас, а шишињата завршуваат на земја. ‘Збогум, Албанија, ќе се видиме следното лето’ – тоа е менталитетот што мора да се смени“, додаде премиерот.
Рама порача дека покрај владините мерки, потребна е и поголема свест и придонес од граѓаните за да се заштити животната средина.