Американскиот државен секретар Марко Рубио во понеделникот им честиташе на граѓаните на Северна Македонија по повод 34-годишнината од независноста и 30 години од воспоставувањето дипломатски односи меѓу двете земји.
„Соединетите Држави ја ценат доследната партнерска улога на Северна Македонија во унапредувањето на глобалната безбедност и стабилност,“ се наведува во соопштението.
Рубио потсети дека Северна Македонија, како сојузник во НАТО, останува посветена на одбраната на мирот и слободата, а зголемувањето на одбранбените трошоци најавени на летниот НАТО самит е потврда за таа посветеност.
„Додека го одбележуваме овој јубилеј, Соединетите Држави остануваат определени за продлабочување на соработката во зајакнувањето на колективната безбедност, борбата против транснационалните закани и промовирањето економски раст и просперитет,“ истакна Рубио.