Централното греење во Скопје ќе поскапи од понеделник, соопшти Регулаторната комисија за енергетика (РКЕ). Новата цена, која ќе се одрази во декемвриските сметки што граѓаните ќе ги плаќаат во јануари, ќе биде за 5,9 отсто повисока, што во просек значи дополнителни околу 130 денари по домаќинство.
Претседателот на РКЕ, Марко Бислимоски, посочи дека зголемувањето се должи на трошоците за модернизација на мрежата и зголемените цени на енергенсите. Владата најави продолжување на субвенциите за да се ублажи ефектот врз граѓаните.
Одлуката следи по неодамнешното зголемување на цените на електричната енергија, што дополнително ќе ги зголеми трошоците за домаќинствата оваа зима. РКЕ исто така прави анализи и за потенцијалните промени во цената на струјата од 1 јануари.