Судскиот процес за случајот „Онкологија 2“, во кој се обвинети поранешниот медицински директор Нино Васев и економскиот директор Нехад Нухи за незаконско набавување лекови, продолжи денеска во Основниот кривичен суд со сведочење на раководителката на одделението за финансиско, сметководствено и шалтерско работење на Клиниката за онкологија.
Во своето сведочење, раководителката рече дека по ковид-карантинот ѝ биле одземени делегирани надлежности, додека претходно, според нејзините тврдења, Клиниката немала долгови и финансиското работење било редовно организирано.
Таа исто така го опиша односот со поранешниот директор Васев како „поладен“ и наведе дека неможел да го издржи деталното пресметување за плаќањата, нагласувајќи сериозни промени во управувањето со финансиските процеси од крајот на 2019 и почетокот на 2020 година.
Судењето продолжува со дополнителни искази и претставување на финансиската документација од Клиниката за онкологија.