Владата ќе продолжи да ги субвенционира сметките за електрична енергија на домаќинствата, додека Регулаторната комисија за енергетика (РКЕ) ќе одлучи дали од јануари струјата ќе поскапи, изјави премиерот Христијан Мицкоски.
„АД ЕСМ поднесе цена од 65 евра за мегават-час, што е за околу три евра повеќе од претходната цена и значи раст од приближно 4 проценти“, рече Мицкоски.
Тој додаде дека владината политика ќе остане насочена кон заштита на домаќинствата, особено на најранливите потрошувачи, преку продолжување на субвенциите за електрична енергија.
Регулаторната комисија следната недела ќе донесе одлуки за тарифите за пренос и дистрибуција на електрична енергија и за цената на операторот на пазарот. Според најавите, нема да има дополнително поскапување на овие тарифи.
Државната компанија ЕСМ е единствениот понудувач за набавка на струја за 2026 година, а понудената цена од 65 евра за мегаватчас е за 4,8 проценти повисока од лани, што ќе се рефлектира во сметките на домаќинствата од почетокот на следната година.