Лидерот на ВМРО-ДПМНЕ и премиер, Христијан Мицкоски, најави дека ќе се повлече од политиката ако до следната пролет СДСМ најде макар еден мигрант во земјава кој е дел од наводен договор со Велика Британија.
Претседателот на опозициската СДСМ, Венко Филипче, на денешната прес-конференција повторно тврди дека постои таков договор и дека власта на Мицкоски е обврзана да го прифати, поради финансиската состојба на државата и кредитот од шест милијарди евра.
„Веќе е јасно дека договорот за мигрантите постои. Власта мора да го потпише, бидејќи е поврзан со буџетскиот дефицит и кредитот од шест милијарди евра. До крајот на годината се очекува недостиг од една милијарда евра во буџетот“, рече Филипче.
Тој обвини дека ВМРО-ДПМНЕ планира избори следната пролет за да ги сокрие мигрантските договори, кои се водат зад затворени врати, а граѓаните информираат преку странски медиуми. Филипче додаде дека додека Мицкоски е премиер, нема да има шатори за мигранти, но ќе има социјални станови.
Премиерот Мицкоски ги отфрла тврдењата на Филипче и истакнува дека Македонија нема капацитет да прифати дополнителен мигрантски товар. Тој нагласи дека додека тој е на функцијата, нема да се постават шатори за илегални мигранти.
Филипче посочи дека Албанија и Косово веќе прифатиле одбиени мигранти од Британија и Италија и дека Македонија би била следната транзитна држава во регионот.
Тема за мигрантите во Македонија се отвори откако британските медиуми објавија дека се преговара за нелегални мигранти и лица кои добиле одбивање за азил, при што Македонија останува транзитна држава. За време на претходната бегалска криза, речиси еден милион мигранти поминаа низ земјава, но никој не остана трајно.