Адвокатката Сузана Јошевска-Анастасовска и вонредната професорка Арлинда Кадри-Шахиновиќ во вторникот во Собранието дадоа свечена изјава како новоизбрани членки на Судскиот совет на Република Северна Македонија.
Свечената изјава беше дадена во Охридската сала, во присуство на претседателот на Собранието Африм Гаши и генералната секретарка на законодавниот дом.
Јошевска-Анастасовска и Кадри-Шахиновиќ претходно беа избрани од пратениците, со што го комплетираат составот на Судскиот совет, институцијата надлежна за избор, унапредување и дисциплинска одговорност на судиите.
По свечениот чин, Јошевска-Анастасовска изјави дека преземаат лична и институционална одговорност и оти очекува, со заедничка работа, Судскиот совет да прерасне во силна и кредибилна институција.