Американскиот претседател во саботата потврди дека започнале „голема борбена операција“ во , наведувајќи дека целта е елиминирање на „непосредните закани“ од иранскиот режим и спречување Техеран да дојде до нуклеарно оружје.
„Нашата цел е да го одбраниме американскиот народ преку елиминирање на непосредните закани од иранскиот режим“, изјави Трамп во претходно снимена порака. „Иран никогаш не смее да има нуклеарно оружје.“
Тој им се обрати и на иранските граѓани, велејќи: „Кога ќе завршиме, преземете ја вашата влада, таа ќе биде ваша.“ Во пораката упатена до Исламската револуционерна гарда, Трамп порача дека треба да го положат оружјето и дека ќе бидат „фер третирани со целосен имунитет“, во спротивно ќе се соочат со „сигурна смрт“.
Американскиот претседател рече дека целта на операцијата е „уништување на нивните ракети и срамнување со земја на нивната ракетна индустрија“, додавајќи дека САД ќе ја „анихилираат нивната морнарица“. Тој нагласи дека Вашингтон презел мерки за минимизирање на ризикот за американскиот персонал во регионот.
Според американски претставник, нападите се координирани со и се насочени кон цели што претставуваат закана за Израел и регионот. Ударите, како што беше наведено, се изведуваат од воздух и од море и е веројатно да продолжат во текот на денот.
Иранските медиуми јавија дека меѓу погодените цели е и дирекцијата за разузнавање на Исламската револуционерна гарда, како и објекти во центарот на Техеран. Иран го затвори својот воздушен простор по нападите.
Ирански официјален претставник потврди за Ројтерс дека врховниот лидер ајатолахот Али Хамнеи не се наоѓа во Техеран и бил префрлен на „безбедна локација“.
Израелски безбедносен претставник изјави дека операцијата била планирана со месеци, а тајмингот бил утврден пред неколку недели. Израелската армија испрати национално предупредување до граѓаните да останат во близина на засолништа, наведувајќи дека станува збор за проактивна мерка поради можноста од ракетни напади кон Израел.
Извори од израелскиот одбранбен естаблишмент изјавија дека една од целите на ударите е „отстранување на заканите за израелскиот домашен фронт“, со акцент на ракетни лансери и бази за беспилотни летала.
Ситуацијата останува крајно тензична, додека постои ризик од поширока регионална ескалација по директното вклучување на САД во операциите против Иран.