Во периодот од 16 до 22 февруари во Северна Македонија се регистрирани 1.113 случаи на грип и заболувања слични на грип, што е намалување од 3,2 отсто во споредба со претходната недела, соопшти Институтот за јавно здравје (ИЈЗ).
Според податоците на ИЈЗ, најголем број од новозаболените, 621 лице, се на возраст од 15 до 64 години. Регистрирани се 185 случаи кај деца на возраст од 5 до 14 години, 164 случаи кај деца од 0 до 4 години, како и 143 случаи кај лица постари од 65 години.
И покрај намалувањето на неделно ниво, грипот останува активен низ земјата, а највисока инциденца се бележи кај најмалите деца.
Здравствените власти продолжуваат да ја следат состојбата и апелираат до граѓаните да ги почитуваат препораките за превенција и заштита.