Претседателот на Сојузот на синдикати на Македонија (ССМ), Слободан Трендафилов, изјави дека минатата година егото на владини претставници го спречило планираното зголемување на платите на работниците, кое според него, можело да изнесува околу 6.000 денари.
„Ако минатата година не беше создаден инат од страна на поединци во Владата, денеска работниците ќе имаа повисоки плати“, рече Трендафилов на денешното гостување во медиумите. Тој додаде дека власта преку неприфаќање на предложениот пристап сакала да се покаже како Влада која управува со најсиромашните работници и најсиромашната држава во Европа.
Трендафилов истакна дека „ниту еден функционер не вреди десет пати повеќе од работник“ и повтори дека ССМ останува на позицијата за зголемување на платите.
Од друга страна, членот на ЦК на ВМРО-ДПМНЕ, Валентин Манасиевски, обвини дека Трендафилов ја користи функцијата за политички цели, работи за интересите на СДС и Левица, и одбива покачување на платите на административните службеници до 40% по нивна насока. Манасиевски додаде дека единствено решение за подобрување на платите е зголемување од околу 14% во април годинава.
Според Манасиевски, оваа политизација на синдикалното работење ја поткопува довербата на работниците и го одложува реалното зголемување на платите.