Универзитетот на Југоисточна Европа (УЈИЕ) е рангиран меѓу трите најдобри универзитети во Северна Македонија според листата QS World University Rankings 2026, соопшти институцијата.
Рангирањето се базира на повеќе индикатори, вклучувајќи академска репутација, научна продуктивност, цитираност и меѓународна вклученост. Според достапните податоци, УЈИЕ бележи резултати во однос на публикации и цитати, што укажува на присуство во меѓународната академска заедница.
Универзитетот исто така наведува дека стапката на вработување на дипломираните студенти останува релативно висока, што, според институцијата, укажува на усогласеност на студиските програми со пазарот на труд.
Дополнително, УЈИЕ посочува дека има меѓународно диверзифициран студентски и академски кадар, што, според нив, придонесува за размена на знаења и искуства.
QS World University Rankings е една од глобалните листи за рангирање на универзитети, која годишно ги оценува високообразовните институции според утврдени методологии.