Со приклучувањето на уште една банка, целокупниот банкарски сектор во Северна Македонија е вклучен во шемата за кредитни трансфери на Единствениот европски платен простор во евра (СЕПА), соопшти Народната банка.
Вклучувањето на сите домашни банки во шемата претставува значаен чекор кон интеграција на националниот платен систем со европскиот платен простор, со цел унапредување на ефикасноста, брзината и транспарентноста на прекуграничните плаќања за граѓаните и компаниите.
Со целосното усвојување на СЕПА, граѓаните и фирмите ќе имаат поширок пристап до платежните услуги, а на домашниот пазар се очекува зголемена конкуренција и намалување на трошоците за извршување на плаќањата, особено за компании кои тргуваат со Европската Унија и други земји членки на СЕПА.
Народната банка најави дека ќе продолжи со активности за унапредување на платежната инфраструктура и понатамошно усогласување со европските стандарди, вклучувајќи проширување на учеството на домашните институции во другите шеми на СЕПА.
Официјалните претставници истакнуваат дека целта е обезбедување сигурни, ефикасни и современи платежни услуги за граѓаните и компаниите.