Пратеникот на ВМРО-ДПМНЕ, Бране Петрушевски, на прес-конференција во Скопје жестоко ја критикуваше СДСМ, тврдејќи дека партијата се занимава со „театар и циркузи“ наместо со суштинска борба против корупцијата и криминалот.
Петрушевски оцени дека СДСМ најдобро функционира кога треба „да се продава државата или да се местат тендери“, додавајќи дека наместо да ги поздрави активностите на надлежните служби, партијата „секојдневно создава приказни“.
Тој ги спомена актуелните лидери на СДСМ, вклучувајќи ги Венко Филипче, Оливер Спасовски, Јованка Тренчевска и Јон Фрчкоски, истакнувајќи дека тие избегнуваат суштински теми и се фокусираат на политички спектакли.
„Професионалната и координирана активност на надлежните служби за фаќање бегалец од правдата покажува дека борбата со корупцијата и криминалот е сега решителна“, рече Петрушевски.
Тој заклучи дека додека СДСМ зборува за другите, најмногу зборува за себе, додека ВМРО-ДПМНЕ ќе продолжи да се фокусира на борбата со корупцијата, криминалот и поставувањето здрави темели на владеење на правото.