Авион на авиокомпанијата „Флај Дубаи“ од Обединетите Арапски Емирати со 200 српски државјани слета утрово во Белград, пренесуваат српските медиуми.
Патниците кои пристигнаа со редовниот лет не биле евакуирани со посредство на Владата на Србија, туку користеле претходно купени билети. Станува збор за првиот лет кон Србија по прекинот на воздушниот сообраќај предизвикан од тензиите на Блискиот Исток.
Според извори од авиокомпанијата, патниците биле известени навреме за летот и подготвени за патување, кое се одвивало според редовната програма. Очекувања се дека уште два редовни лета од Дубаи кон Белград ќе бидат реализирани во текот на наредните денови.
Исто така, стотици патници се вратија во други европски градови, вклучувајќи Будимпешта, Варшава, Прага и Милано. Српските власти најавија дека процесот на враќање на граѓаните од регионот ќе продолжи, вклучувајќи и евакуација од Израел.