12.8 C
Скопје
21 ноември, 2026
Inbox7.mk
ВЕСТИНАСЛОВНАРЕПУБЛИКА

Уставни измени со одложено дејство? Сиљановска-Давкова бара прво домашен договор

 Претседателката Гордана Сиљановска-Давкова изјави дека Северна Македонија и Бугарија и натаму различно го толкуваат спорот што го блокира европскиот пат на земјата и оцени дека пред настап кон надвор е потребен домашен политички консензус за прашањата од национален интерес.

Во интервју за Сител, Сиљановска-Давкова рече дека посетата на претседателката на Европската комисија Урсула фон дер Лајен покажала високо ниво на заинтересираност од ЕУ за деблокирање на евроинтегративниот процес.

Таа посочи дека фон дер Лајен препорачала она што Скопје подолго време го бара – разговор меѓу двете страни.

„Госпоѓата Јотова вели дека не е билатерален, туку дека имаме проблем со Европската Унија. А госпоѓата фон дер Лајен вели дека мора да разговарате и низ дијалог да размените различни ставови“, рече Сиљановска-Давкова.

Според неа, проблемот не може да се сведе исклучиво ниту на билатерално прашање, ниту само на однос меѓу Северна Македонија и ЕУ.

„Записникот не е дел од преговарачката рамка“

Претседателката рече дека записникот од разговорите со Бугарија е дел од европските заклучоци, но не и од самата преговарачка рамка.

Таа се осврна и на идејата за уставни измени со одложено дејство, оценувајќи дека за таков чекор е потребен поширок домашен политички договор.

„Не се оди надвор без да се постигне консензус дома и без да има договор, говорам за прашања од национален интерес“, рече Сиљановска-Давкова.

На прашањето дали СДСМ е пречка за таков модел на уставни измени, таа рече дека не го посочува конкретно СДСМ како пречка, туку дека е потребен унифициран став без оглед на разликите меѓу власта и опозицијата.

За писмото од Јотова

Сиљановска-Давкова рече и дека по повод 35-годишнината од независноста добила честитка од бугарската претседателка Илијана Јотова, во која биле наведени и прашања што Софија смета дека треба да бидат решени.

Меѓу нив бил и случајот со Ива Михаилова, за кој Јотова претходно ѝ испратила писмо.

Сиљановска-Давкова рече дека не одговорила на писмото затоа што не сака да интервенира во судството.

Таа додаде дека верува во независноста на судството и во здравствениот систем.

 

Related posts

Гаши без објаснување ја тргна точката за „Скопје 2028“, ДУИ обвини за кршење на Деловникот

admin

Борби во северот на Косово, најмалку 4 мртви и неколку ранети

admin

ИЗРАЕЛ СТРАВУВА ОД НОВ ФРОНТ: Турската армија во Сирија ја менува играта на Блискиот Исток

admin

Хаос во Каракас: Моќен земјотрес урна десетици згради и го затвори аеродромот

admin

Брегзит ја направи Британија посиромашна: Поранешна министерка бара враќање во ЕУ

admin

Со реформи на Изборен законик земјата добива 4.3 милиони евра од ЕУ

admin