Поранешната германска канцеларка Ангела Меркел ќе учествува во Сојузното собрание кое следната година ќе го избере новиот претседател на Германија, како претставничка на конзервативната Христијанско-демократска унија (ЦДУ).
За изборот на Меркел во понеделникот известија повеќе медиуми.
Претседателската функција во Германија има главно церемонијална улога, а шефот на државата го избираат сите пратеници во Бундестагот, односно долниот дом на германскиот парламент, заедно со еднаков број претставници избрани од парламентите на 16-те германски сојузни покраини.
Наследникот на актуелниот претседател Франк-Валтер Штајнмаер ќе биде избран на 30 јануари 2027 година.
Германските сојузни покраини во моментов ги избираат своите претставници во Сојузното собрание, додека коалициската влада на канцеларот Фридрих Мерц, составена од конзервативците и социјалдемократите, сè уште не постигнала договор за заеднички кандидат.
Поранешната канцеларка, која ќе ја претставува ЦДУ од северната сојузна покраина Шлезвиг-Холштајн, неодамна повика наследникот на Штајнмаер да биде жена.
„Во 77-годишната историја на Сојузна Република Германија, никогаш немало жена на функцијата сојузен претседател“, изјави Меркел во интервју за MagentaTV.
Таа додаде дека секој треба да се запраша „дали конечно не е дојдено времето за тоа“.
Извор: Германска новинска агенција (dpa) / German News Service