Централниот одбор на СДСМ синоќа оценил дека воспоставениот дијалог со опозицијата доаѓа во важен момент за државата, пренесува Инбокс7.
“За поздравување е првиот чекор којшто го направи претседателот на ВМРО-ДПМНЕ со прифаќањето на уставните измени”, рече лидеротнапартијатаи премиер, Димитар Ковачевски. “Ова е добра основа за продолжување на дијалогот со сите парламентарни политички партии и во оваа насока, формирана е работна група за продолжување на разговорите.”
“Го поздравувам тоа што како претседател на СДСМ заедно со формираната работна група добив силна и апсолутна поддршка да продолжиме со напорите за обезбедување широк консензус за уставните измени, а со тоа и продолжување на европскиот пат на земјата”, рече Ковачевски.
Според него, пред државата и пред сите наши граѓани е историска шанса за продолжување на европскиот пат и воспоставениот дијалог може да придонесе кон носење одлуки за европската иднината на земјата и доброто на сите наши граѓани.
“Изборот пред сите политички партии е: интеграција во ЕУ или изолација”, вели Ковачевски.