Алијансата за Албанците (АзА) најостро го осудува вандалскиот и неподнослив чин на палење на автомобилот на вицепремиерот Артан Груби, соопшти партијата на Арбен Таравари, пренесува Инбокс7.
“Ваквите хулигански дела се неподносливи во демократска земја и општество. Ги повикуваме органите на прогонот што поскоро да го решат случајот и да ги откријат сторителите.”, смета АзА.
Партијата смета дека, надвор од политичките разлики и несогласувања, сите субјекти и институции мора да ги осудат ваквите дела, додека редот и безбедноста мора да бидат гарантирани за секој граѓанин.
“Овие закани и вандалски напади претставуваат опасност за целото општество и како такви мора да бидат осудени од сите, без разлика.”, вели АзА.