Продажните цени на производителите на индустриски производи на домашниот пазар се повисоки за 4.2 % на годишно ниво, соопшти Државниот завод за статистика.
Во јуни 2023, во споредба со мај 2023, продажните цени на производителите на индустриски производи се пониски во групите Интермедијарни производи, освен енерегија за 1.0 % и Капитални производи за 0.1 %. Во јуни 2023, во споредба со јуни 2022, продажните цени на производителите на индустриски производи на домашниот пазар се повисоки во групите Енергија за 10.3 %, Трајни производи за широка потрошувачка за 6.2 % и Нетрајни производи за широка потрошувачка 9.4 %.
Во трговијата на мало, во јуни 2023 година, во споредба со јуни 2022 година, гледано по групи и класи, зголемување на прометот кај номиналните и реалните стапки е забележано во следните групи: Трговија на мало со храна, пијалаци и тутун (номинално за 11.5 %, а реално за 1.0 %), Трговија на мало, освен трговија со горива (номинално за 10.9 %, а реално за 1.8 %), Трговија на мало со непрехранбени продукти, освен гориво (номинално за 10.3 %, а реално за 2.8 %). Пад е забележан само во номиналната стапка во групата Трговија на мало со автомобилски горива и тоа за 21.2%.