Претставник на американскиот Стејт департмент поднесе оставка поради одлуката на Вашингтон да ја зголеми воената помош за Израел, велејќи дека војната во Газа поддржана од САД ќе доведе до повеќе страдања и за Израелците и за Палестинците, јави Ал Џезира.
Џош Пол, директор во Бирото за политичко-воени прашања на Стејт департментот, во белешка објавена на интернет во средата напиша дека администрацијата на претседателот Џо Бајден ги повторува истите грешки што Вашингтон ги прави со децении.
„Одговорот што го презема Израел, а со тоа и американската поддршка и за тој одговор и за статус кво состојбата на окупацијата, само ќе доведе до повеќе и подлабоко страдање и за израелскиот и за палестинскиот народ“, напиша тој.