Европратеникот Томас Вајц, известувач за извештајот за напредокот на Северна Македонија, изјави дека Комитетот за надворешни работи на Европскиот парламент го усвоил првиот извештај за земјата од 2022 година, нагласувајќи ја потребата Европската унија да остане обединета со своите соседи во актуелниот геополитички контекст.
„Денеска го усвоивме првиот извештај за Северна Македонија од 2022 година во Комитетот за надворешни работи. Горд сум на целиот напор вложен во постигнување компромиси за да се донесе еден избалансиран извештај со широка политичка поддршка“, рече Вајц.
Тој нагласи дека Северна Македонија припаѓа во Европската унија и дека е клучно да се продолжи со позитивниот моментум во процесот на проширување по две децении преговори.