Членот на Централното собрание на Движењето Беса, Фатмир Лимани, реагираше на одлуката за мораториум на партиските активности, истакнувајќи дека политичките структури не можат да се парализираат со еднострани одлуки и дека нормалното функционирање, комуникацијата со граѓаните и организацијата се клучни за демократијата.
Лимани наведе дека мораториумот треба да биде оправдан, консултиран со структурите и насочен кон стабилност, а не да го оштети демократското функционирање на огранокот во Кичево. Тој истакна дека политичката организација се гради на соработка, одговорност и колективно донесување одлуки и дека суспензиите на активностите можат да имаат спротивен ефект од посакуваниот.
Реакцијата следува по разрешувањето на локалното раководство на огранокот во Кичево, кое предизвика конфликт меѓу претседателот на партијата Билал Касами и Лимани. Привремено раководство презеде огранокот во Кичево, откако од страна на Лимани беа разрешени луѓето на Касами, како Агим Садику, Реџеп Асани, Бејтула Емини и Валбона Адили Емини, поради неактивност и кршење на статутот.
До наредното собрание, привремени претседатели се именувани потпретседателите Кастриот Рамадани и Ајхан Сулкоски, а за привремен секретар е избран членот на раководството Реџеп Емини.
Од фракцијата на Лимани соопштуваат дека привременото раководство ќе ја води организацијата кон наредното собрание, каде ќе се донесат конечни одлуки за структурата на огранокот. Но, од таборот на Касами велат дека сите членови се суспендирани заради спојување во ВРЕДИ како идна политика партија.