Регионалниот центар за стручно образование и обука „Моша Пијаде“ во Тетово е целосно реконструиран со инвестиција од околу 5 милиони евра, финансирана од Владата и Европската унија.
Проектот опфати темелна обнова на објектите, вклучително и нова енергетски ефикасна фасада, реконструкција на училниците и работилниците, како и нивно опремување со современа техничка и информатичка опрема. Со тоа, училиштето, кое претходно беше во лоша состојба, сега се вбројува меѓу најопремените стручни образовни институции во земјата.
На настанот по повод пуштањето во употреба присуствуваа премиерот , министри од владата, евроамбасадорот и градоначалникот на Тетово .
Касами изјави дека центарот повеќе не треба да се перцепира како традиционално земјоделско училиште, туку како современ регионален центар за стручно образование кој ќе подготвува кадар за пазарот на трудот.
„Очекуваме учениците тука да стекнат практични вештини и да бидат конкурентни по завршувањето на образованието“, рече тој.
Според властите, центарот во Тетово е дел од пошироката стратегија за развој на мрежа од осум регионални центри за стручно образование во земјата. Досега се формирани седум, од кои неколку веќе се целосно функционални.
Во училиштето, основано во 1928 година, денес се образуваат над 1.000 ученици во различни струки, вклучително машинство, електротехника, угостителство и земјоделство.
Владините претставници велат дека модернизацијата на стручните училишта е клучна за подобрување на вештините на работната сила и поддршка на економскиот развој.