Лидерите на коалицијата ВЛЕН, и , го поздравија почетокот на реализацијата на автопатот Скопје-Блаце, оценувајќи дека проектот ќе ја доближи Северна Македонија до Косово и ќе придонесе за економски развој и подобра регионална поврзаност.
Мехити соопшти дека за делницата Скопје-Блаце-Приштина се обезбедени 200 милиони евра, нагласувајќи дека проектот претставува исполнување на дадените ветувања.
„Ова е разликата меѓу зборовите и делата. Инвестираме во поразвиена држава, посилна економија и поблиски врски меѓу нашите земји. Градиме километри патишта затоа што така ги доближуваме луѓето, создаваме можности и отвораме нови хоризонти за идните генерации“, напиша Мехити.
Касами соопшти дека се завршени сите административни процедури и дека е отворен патот за почеток на градежните активности на автопатот.
„Скопје и Приштина денес се поблиску од кога било. Времето на празна демагогија заврши. Албанците живеат епоха на работа, проекти и развој“, порача Касами.
Претходно денеска Министерството за транспорт соопшти дека конзорциум предводен од градежната компанија „Гранит“ е избран за изведувач на втората делница од автопатот Скопје-Блаце, долга 10,5 километри, а почетокот на работите се очекува во текот на летото.