33.8 C
Скопје
16 јули, 2024
Inbox7.mk
НАСЛОВНА

Анкетата на ИРИ во Северна Македонија покажува зголемување на руското и кинеското влијание

Новата анкета на Центарот за анкетни истражувања на Меѓународниот републикански институт (ИРИ) за Северна Македонија покажува зголемување на кинеското и руското влијание, недостаток на транспарентност во политичките партии и поддршка за иницијативата „Отворен Балкан“. 

Во однос на надворешната политика, 64 отсто од граѓаните на Северна Македонија се согласуваат дека силните односи со Кина им служат на нивните интереси. Шеесет проценти истото го мислат за Русија. Ова е зголемување од единаесет проценти за Кина и шест проценти за Русија во однос на анкетата спроведена во февруари 2020 година. Новообјавената анкета покажува и силна поддршка за Европската унија (ЕУ) и САД. Севкупно, 85% се согласуваат дека силните односи со ЕУ најдобро им служат на интересите на Северна Македонија, 76% го делат истото мислење за САД.  

„Додека Северна Македонија се труди да постигне демократски напредок, загрижува фактот што Кина и Русија продолжуваат со постојаните упади“, рече Пол Мекарти, регионален директор на ИРИ за Европа. „За среќа, поддршката за блиски партнерства со ЕУ и Соединетите Американски Држави останува многу силна“. 

На прашањето за политичките партии, само 21 отсто од граѓаните на Северна Македонија веруваат дека тие се транспарентни во работењето со парите добиени од државниот буџет. Понатаму, 48% не биле запознаени со износот на државниот буџет кој што годишно се издвојува за финансирање на политичките партии. 

„За една демократија да биде успешна, апсолутно суштинско е политичките партии да изградат доверба“, рече Мекарти. „Оваа анкета покажува дека транспарентноста во политичките партии во иднина треба да биде приоритет“. 

Конечно, 75% од возрасните ја поддржуваат иницијативата „Отворен Балкан“, серија договори во кои се вклучени Албанија, Северна Македонија и Србија за да помогнат во олеснувањето на трговијата, бизнисот и движењето на граѓаните меѓу земјите.   

Истражувањето беше спроведено во име на  Центарот за анкетни истражувања на ИРИ од Брима фирма за истражување на пазарот (дел од групацијата КАНТАР и македонски член на здружението Галуп Интернешнл Асоцијација). Податоците беа собрани од 27 ноември до 23 декември 2021, со повеќе степен стратификуван примерок  преку интервјуа лице-во-лице во домовите на испитаниците. Национално репрезентативната големина на примерокот на анкетирани е 1,226 испитаници на возраст од 18 години и повеќеПодатоците беа пондерирани според возраста, полот, регионот и етничката припадностМаргината на грешка е ± 2.8 поени на ниво на доверба од 95%. Стапката на одговор е 75%.  

ИРИ наведува дека анкетата беше спроведена во период на претходниот владин состав и пред инвазијата на Руската Федерација врз Украина.

Оваа анкета е спроведена со поддршка од Националниот фонд за демократија.

Related posts

Тасевски: Упадот во Контролата за летање е рамно на тероризам

admin

Османи во Белград: ОБСЕ е посветено за партнерството со Србија

admin

Советникот на Курти во С.Македонија: Ве плаши политичкиот потенцијал на Курти

admin

Еден ден по средбата на Блинкен, Бајден го нарекува Кси Џипин диктатор

admin

Бајден ќе стави вето на пакетот помош за Израел во Претставничкиот дом, вели Белата куќа

admin

Рама за ФТ: НАТО треба повторно да воспостави контрола врз северно Косово

admin