39.8 C
Скопје
16 јули, 2024
Inbox7.mk
ВЕСТИ

ДАУТИ УВЕРУВА: НЕМА ДА ИМА НЕДОСТИГ НА ПРЕХРАНБЕНИ ПРОИЗВОДИ

Бизнисменот Џемали Даути поканет во вечерашната емисија „Економски Магазин“ ги уверуваше граѓаните дека нема да има недостиг од прехранбени производи. Даути дури рече дека ќе почне и намалувањето на цените, подвлекувајќи го во овој случај намалувањето на прекуокеанскиот транспорт, пишува Алсат, пренесува Кдполитик.

„Мислам дека нема да дојдеме до таа ситуација, ќе има делумен недостиг на производи. Напротив, има сигнали дека цената на некои производи, како што се споменува цената на пилешките батаци, или пилешкото, дека цената веќе почнала да паѓа. Паѓа на берза и нормално е што дури и трговците овде ја прилагодуваат пазарната цена. Почнаа да паѓаат цените на трансокеанскиот транспорт, транспорт што го плативме од Индонезија до Солун 8 илјади долари, сега плаќаме 4500-5000 долари, од таму доаѓаат и прехранбените производи. Има надолен тренд, како што има тренд на опаѓање кај нафтените деривати, има тренд на намалување и кај транспортните линии… Ќе има доволно залихи, нема да има недостиг… Кај нас проблемот што бара решение е цената на енергенсите струја“, рече Џемали Даути, бизнисмен.

„Даути-Комерц“ е водечка компанија во областа на дистрибуција на производи за широка потрошувачка во Северна Македонија, Косово, Црна Гора и Албанија. Пред извесно време ја прослави 30-годишнината од основањето, додека денес е моќен бизнис конгломерат, присутен во 4 балкански земји, со над 800 вработени, со добавувачи од 82 земји во светот и меѓу 50-те најмоќни компании во Северна Македонија.

„Даути-Комерц“ има софистицирани дистрибутивни центри во Сарај, Скопје, со простор од над 22.000 метри квадратни, во Тетово со 3.000 метри квадратни, во Струга со 1.500 метри квадратни, во Драч (Албанија) со 3.000 метри квадратни, во Феризај ( Косово) со 15.000 метри квадратни и во Подгорица (Црна Гора) со 5.000 метри квадратни. Сестринската компанија „Даути-Транспорт Шпед“, лоцирана во Северна Македонија и Албанија, располага со возен парк од 60 камиони и 11 канцеларии за шпедиција.

Седиштето на целиот конгломерат „Даути“ се наоѓа во Сарај, Скопје, со административен простор од 4.500 метри квадратни.

Related posts

Средба Мицкоски-Сарацин, дали ќе поминат уставните измени?

admin

Конкуренција и инклузивност: Што предвидува Кластер 3 од преговарачкиот процес?

admin

Групата од Грчец имала соработници во разни институции!

admin

Никола Димитров: Царот е гол!

admin

Јовановиќ: Економската криза е резултат на владините грешки

admin

Експлозија во близина на полициска станица во северно Косово

admin