12.8 C
Скопје
20 април, 2024
Inbox7.mk
НАСЛОВНА

Инфлацијата во Еврозоната на рекордно ниво

Цените во септември во Еврозоната пораснале за 9,9 проценти споредено со истиот месец лани. Инфлацијата во целата ЕУ пак изнесува 10,9 проценти.

Инфлацијата во Еврозоната достигна највисоко ниво од воведувањето на еврото како заедничка валута во 1999 година.

Статистичката служба на ЕУ, Евростат денеска во Луксембург ја коригираше својата прогноза за стапката на инфлација од пред три недели за 0,1 процент надолу.

Енергенсите во септември биле поскапи за 40,7 проценти во однос на истиот месец лани, додека животните продукти се продавале за 12,7 проценти поскапо.

Во целата Европска унија покачувањето на цените достигна рекордна вредност од 10,9 проценти, кај одделни држави како Балтичките и Унгарија, таа се искачи на повеќе од 20 насто.

Најниско ниво на инфлација Евростат регистрирал  во Франција (6,2 %),  во Малта (7,4 %) и во Финска (8,4 %), додека  во Германија  изнесува 10 проценти.

Евростат користи поинакви пресметувачки методи, што го оневозможува споредувањето во меѓународни рамки. Во август цените во 19 земји од Еврозоната беа за 9,1 процент повисоки во однос на истиот месец минатата година, а во целата ЕУ – за 10,1 процент. Стапката на инфлација бележи постојан раст од ноември 2021 година, а посебно се зголемува од крајот на февруари, со почетокот на руската инвазија врз Украина и скоковитиот  пораст на цените на енергијата.

Related posts

Општетсвото да се бори повеќе за медиумската саморегулација

admin

СДСМ, ДУИ и Алијанса на три ума за една предизборна листа

admin

(Не)испорачана правда: Кој е виновен за пожарот во Тетово?

admin

Османи: Одлуката на ВМРО-ДПМНЕ е лоша и непромислена

admin

Страв од фрагментација или од детронизација?

admin

Путин: Ќе има мир кога ќе ги постигнеме нашите цели

admin