0.8 C
Скопје
12 февруари, 2025
Inbox7.mk
НАСЛОВНА

Низ Западниот Балкан ќе се патува со лични карти

На состанокот во рамките на Берлинскиот процес е договорено формирање на заеднички регионален пазар, патување на граѓаните од регионот со лични карти и взаемно признавање на дипломите.

Земјите од Западниот Балкан сакаат да формираат заеднички регионален пазар и со тоа да направат важен исчекор кон членство во ЕУ, порача шефицата на германската дипломатија Аналена Бербок по состанокот со министрите за надворешни работи од земјите во регионот во Берлин, кој се одржа во рамките на ткн. Берлински процес.

Според договорот, граѓаните во регионот ќе можат да ги минуваат границите со лични карти наместо со пасоши, а договорено е и взаемно признавање на универзитетските дипломи и професионалните квалификации. Според германската министерка, ова не се само технички детали, туку „историски чекори кои ќе го сменат животот на луѓето“

„Го правите животот полесен за вашите граѓани и му помагате на стопанството да се засилат трговијата и економскиот раст во регионот. Ви честитам на овој напредок“, порача Бербок.

Брза имплементација  

Договорот треба да биде потпишан на самитот на лидерите на земјите од Западниот Балкан и германската влада на 3 ноември.

Аналена Бербок
Бербок очекува брза имплементација на договореното во БерлинФотографија: Markus Schreiber/AP/picture alliance

Бербок ги повика владите на земјите од регионот „брзо да ги имплементираат сите неопходни чекори за да се обезбеди потпишување на сите договори согласно планот“.

Состанокот на министрите за надворешни работи во рамките на ткн. Берлински процес опфати и разговори за енергетската сигурност, руската агресија врз Украина, сајбер-безбедноста и зелената агенда.

Берлинскиот процес го започна поранешната германска канцеларка Ангела Меркел во 2014 година. Форматот беше замислен како чекор кон приближување на шесте земји од регионот кон ЕУ.

Голем дел од договореното на состанокот во Берлин се заговара уште од почетоците на процесот, но недоразбирањата меѓу земјите во регионот, пред сѐ меѓу Србија и Косово, ја блокираа подлабоката соработка. Три земји од регионот, Северна Македонија, Србија и Албанија во меѓувреме започнаа паралелна иницијатива за регионална поврзување наречена Отворен Балкан.

Related posts

ВЛЕН  отвори изборен штаб на движењето „Самоопределување“ во Скопје

admin

Свесноста – најважна алка во заштита на приватноста и на личните податоци

admin

Бојер: “Црната листа” е поттик за владеењето на правото во С.Македонија

admin

Руската економија нанесе удар од Кина

admin

Шефот на турската дипломатија се сретна и со Ахмети

admin

Путин победи на брутално лажирани избори

admin