33.8 C
Скопје
16 јули, 2025
Inbox7.mk
ВЕСТИРЕГИОН

Хил: САД се разочарани и загрижени поради одлуката на Курти за табличките

Американскиот амбасадор во Белград, Кристофер Хил денеска изјави дека Соединетите Држави се разочарани и загрижени поради одлуката на косовскиот премиер Албин Курти да не го продолжи рокот за пререгистрација на возила со српски таблички и покрај повиците на земјите од Квинта и Европската Унија, јави Бета.

„Владата на САД, заедно со нејзините меѓународни партнери, во повеќе наврати бараше од Владата на Косово да го продолжи периодот на имплементација на пререгистацијата на возилата. Разочарани сме и загрижени поради одбивањето на Владата на Косово да ги прифати барањата и советите од нејзините најблиски меѓународни партнери по ова прашање“, појасни Хил за Блиц.

Како што истакна Хил, САД „ги повикуваат Косово и Србија да продолжат да учествуваат во дијалогот што го посредува Европската Унија“.

Курти во вторникот изјави дека нема да биде продолжен рокот за пререгистрација на возила со српски таблички и покрај барањата на Западот да биде поместен за десет месеци.

Сопствениците на возила со српски регистарски таблички имаат рок да ги пререгистрираат на косовски до 31 октомври. Властите во Приштина се закануваат дека ќе ги запленат возилата што нема да бидат пререгистрирани.

По седницата на Советот за национална безбедност, претседателот на Србија, Александар Вучиќ денеска истакна дека Белград е подготвен да ги укине КМ табличките, но, под услов на Србите од Косово да им биде дозволено да користат статусно неутрални КС таблички, а не исклучиво РКС ознаки што ги бара Приштина.

Вучиќ додаде и дека сите претходни договори предвидуваат користење или КС или РКС таблички, а оти Приштина сега инсистира исклучиво на пререгистрација на РКС ознаки.

Related posts

Во последната минута од мандатот Биден донесе одлука која ги налути сите

admin

Дали „Европа со повеќе брзини“ ќе забави на Западен Балкан?

admin

Ердоган разговарал со Вучиќ и Курти

admin

Републиканците во Сенатот го блокираа нацрт-законот за помош на Украина и Израел

admin

Фетаи: Жал ми е што моите пријатели се „артанизираа“

admin

Фетаи до Ахмети: „Јас не сум ничиј слуга – тој епитет задржи го за себе“

admin