31.8 C
Скопје
12 јуни, 2024
Inbox7.mk
ВЕСТИ

НАТО: НЕМА ДОКАЗИ ЗА НАПАД ОД РУСИЈА ВРЗ ПОЛСКА

Според првичните сознанија на НАТО, падот на ракета во Полска, близу украинската граница, не претставува намерен напад од страна на Русија. Со вакви наводи излезе и полскиот претседател Дуда.

НАТО, како што истакна генералниот секретар Јенс Столтенберг, нема никакви докази дека при ударот на ракети во полската гранична област кон Украина, се работи за целен напад. Прелиминарните анализи на инцидентот укажуваат дека тој е веројатно предизвикан од  украинска ракета за противвоздушна одбрана,  употребена против руските напади со крстосувачки ракети, изјави денеска Столтенберг во Брисел.

Не постојат никакви докази дека Русија подготвува офанзивни воени акции против НАТО, но вина нема ни Украина, подвлече генералниот секретар на НАТО: „Ова не е вина на Украина, одговорноста крајно ја сноси Русија со продолжувањето на нејзината илегална војна против Украина“. Истрагата за инцидентот не запира, изјави Столтенберг.

И полскиот претседател Анджеј Дуда денеска излезе со став дека падот на ракета не може да се смета за целен напад врз земја-членка на НАТО. Не постојат докази кои би потврдиле дека ракетата била испалена од Русија, туку голема  е веројатноста дека е во прашање украинска ракета за противвоздушна одбрана.

Полската влада синоќа соопшти дека во селото Пжеводов, оддалечено шест километри од границата,  удрила „ракета од руско производство и притоа се убиени две лица”.

Во рамките на агресорската војна против Украина, Русија во текот на вчерашниот ден изврши бројни ракетни напади врз инфраструктурата на земјата.

Related posts

Џо Бајден ќе го посети Израел

admin

Што содржи Предлогот за уставни измени (интегрален текст)

admin

Албански медиуми: Курти ги продлабочува поделбите на албанскиот фактор во С.Македонија

admin

Колку криминалци барани со потерница се шетаат низ земјата?

admin

НИНИСТО- ТУРЦИЈА ДОНЕСЕ ОДЛУКА ЗА ЧЛЕНСТВОТО НА ФИНСКА ВО НАТО

ninja

Мицкоски за Алсат: Доказите за оската ДУИ, СДСМ и Груевски се во УСБ материјали

admin