2 март, 2024
Inbox7.mk
ВЕСТИ

ЕУ ЗАМРЗНА ПАРИ ЗА УНГАРИЈА

По долг спор, земјите од ЕУ се согласија да замрзнат повеќе милијарди евра за Унгарија. Сепак, сумата не е толку висока како што предложи Европската комисија.

По долг спор околу парите за Будимпешта, Унгарија и другите земји од ЕУ најдоа компромис, објави на Твитер чешкото претседателство на ЕУ по состанокот на постојаните претставници на земјите-членки во Брисел. Како што е соопштено, големо мнозинство дало согласност за замрзнување на милијардите евра од буџетот на ЕУ кои беа планирани за Унгарија.

Сепак, висината на замрзнатите финансиски средства нема да биде толкава како што првично беше предложено од Европската комисија. Непосредно пред постигнувањето на договорот, Комисијата ја обнови препораката според која финансирањето од околу 7,5 милијарди евра треба да биде замрзнато сѐ додека десничарската влада на премиерот Виктор Орбан целосно не ги спроведе своите ветувања за почитување на владеењето на правото. Сега се вели дека ќе бидат замрзнати само околу 6,3 милијарди евра, поради тоа што Унгарија веќе спровела некои од мерките што се бараат од неа.

Со корупцијата мора да се води пожестока борба

Ваквите мерки против Унгарија се преземаат поради загриженост дека фондовите на ЕУ се злоупотребуваат во таа земја поради несоодветни антикорупциски мерки.

Земјите-членки на ЕУ допрва треба да го потврдат договореното. За ова е потребно квалификувано мнозинство – тоа значи дека согласност мора да дадат најмалку 15 од 27-те земји на ЕУ и притоа тие заедно треба да сочинуваат најмалку 65 отсто од вкупното население на ЕУ. Ова барање е исполнето по договорот постигнат во Комитетот на постојаните претставници и сега треба да се формализира во писмена процедура пред самитот на ЕУ во четврток (15.12).

Унгарија може да изврши притисок врз ЕУ

Во изминатите неколку дена, германската влада веќе ја сигнализираше својата согласност за острата акција против Унгарија и се изјасни за замрзнување на околу 7,5 милијарди евра. „Станува збор за нашите вредности, за нашето владеење на правото како Европска унија во целина“, изјави министерката за надворешни работи Аналена Бербок на маргините на состанокот со колегите од другите земји-членки на ЕУ во Брисел.

Сега со нетрпение се очекува натамошниот развој, пред сѐ затоа што Унгарија има на располагање средства за вршење притисок врз ЕУ. На пример, владата во Будимпешта би можела да ги блокира одлуките кои бараат едногласност во ЕУ. Од друга страна, Унгарија, според информациите во понеделникот вечерта, дури направила отстапки и се откажала од блокадата против новата помош за Украина и законот на ЕУ за интернационален минимален данок.

Related posts

Истражување на Политико: Фон дер Лајен ги привилегирала германските компании

admin

„РЕФОРМИ“: Власта со една рака затвора институции, со двете отвора нови

admin

ЗА 14 МЕСЕЦИ ИЗДАДЕНИ ЛИЦЕНЦИ ЗА 355 ФОТОНАПОНСКИ ЦЕНТРАЛИ

ninja

ЗАГИНАТИ И ПОВРЕДЕНИ ВО ПУКОТНИЦА ВО ПАРИЗ

ninja

Уставните измени се само една од можните сопки кон влезот во ЕУ

admin

ИЛУЗИЈА Е ДЕКА ЕУ ЌЕ ГО РЕШИ ПРОБЛЕМОТ СО КОРУПЦИЈА И ПАРТИЗАЦИЈА, ВЕЛИ НИКОЛА ДИМИТРОВ

ninja