13.8 C
Скопје
25 април, 2025
Inbox7.mk
ВЕСТИ

СРЕДБА ГРУБИ-АГЕЛЕР ЗА УСТАВНИТЕ ИЗМЕНИ, РЕФОРМИТЕ И ВЕТИНГОТ

Денеска се одржа средба меѓу вицепремиерот и министер за политички систем, Артан Груби и амбасадорката на Соединетите Американски Држави, Ангела Агелер, на која се разговорало за потребата од уставните измени, ЕУ-интеграцијата, реформите и процесот на ветинг.

Како што соопштија од кабинетот на Груби, посебен фокус бил ставен на уставните измени како услов за продолжување на европскиот пат на земјава, при што било проценето дека „нема време за губење“.

Во соопштението се наведува дека функционирањето на владината коалиција било оценето како „квалитативно“, а Груби истакнал дека европскиот пат бара заеднички фронт на сите прогресивни сили, додека САД остануваат посветени на поддршката за реформи и овозможување функционална и стабилна демократија.

Тема на разговор бил и предлогот за ветинг што треба да ги опфати сите, од политичките личности, судиите и обвинителите, како форма на борба против корупцијата и акција која гарантира суштинска контрола на функционерите пред да бидат избрани на функцијата.

Агелер пред еден месец дојде во земјава како нова амбасадорка на САД во Северна Македонија.

Related posts

БГНЕС: Главниот советник на Силјановска е државјанин на Бугарија

admin

Германскиот канцелар Шолц го осуди терористичкиот напад во Москва

admin

ЕУ очекува спроведување на договорите со Грција и Бугарија

admin

Вагнер го запре бунтот, но покажа колку е слаб Путин

admin

Собранието на Косово не успеа да се конституира, Курти нема мнозинство

admin

ВАЈСМEН: СЕВЕРНА МАКЕДОНИЈА СЕКОГАШ БЕШЕ ЦЕЛ НА ХИБРИДНИ НАПАДИ ОД РУСИЈА

ninja