2.8 C
Скопје
22 февруари, 2024
Inbox7.mk
НАСЛОВНА

ШОК БОМБА ФРЛЕНА ВРЗ ПАТРОЛА НА ЕУЛЕКС НА СЕВЕРОТ НА КОСОВО

Мисијата ЕУЛЕКС соопшти дека на 10 декември била фрлена шок-бомба врз нивната извидничка патрола во местото Рудар во Звечани, но дека нема повреден офицер, а не е причинета материјална штета. Барикади се поставени во Рудар, на местото познато меѓу локалното население како „на крстот“.

Од мисијата ЕУЛЕКС нагласуваат дека нападот врз нивните единици, како и врз полицајците на Косово е неприфатлив.

„Силно ги осудуваме насилните акти извршени од вооружени лица на северот на Косово, вклучително и против меѓународната заедница“, се вели во соопштението и ги повикуваме косовските институции да ги изведат сторителите пред лицето на правдата.

Амбасадорот на САД во Косово, Џефери Ховениер, го осуди нападот со шок бомба врз набљудувачката патрола на ЕУЛЕКС и побара одговорните да бидат казнети.

„САД му се придружуваат на ЕУЛЕКС во остро осудување на синоќешниот напад врз патрола на ЕУЛЕКС. Насилните напади врз косовската полиција и персоналот за меѓународна безбедност се неприфатливи и одговорните мора да одговараат преку косовскиот правосуден систем“, напиша Ховениер на Твитер.

Во општините на северот на Косово, каде мнозинството се Срби, во текот на вчерашниот ден беа подигнати барикади поради апсењето на поранешниот припадник на косовската полиција Дејан Пантиќ.

Косовската полиција соопшти дека постои сомневање дека Пантиќ учествувал во инцидентот од 6 декември кога беа демолирани просториите на Централната изборна комисија на Косово во Северна Митровица и Зубин Поток. Барикадите продолжија и денеска.

Претходните денови беа забележани голем број инциденти на северот на Косово, а косовската полиција го зголеми присуството. Српските претставници од ноември ги бојкотираат институциите на Косово, поради незадоволство од одлуката на властите во Приштина за пререгистрација на возилата со српски регистарски ознаки во косовски.

 

Related posts

ДУИ со нова понуда до ВМРО-ДПМНЕ: Гласајте ги уставните измени и одберете датум за избори

admin

ДУИ мета на критиките за корупција, почна ли предизборната кампања?

admin

Мицковски најавува дека нема да ги гласа уставните измени: Ковачевски да внимава, да не се редефинира државата

admin

Законот за практиканство – мост меѓу младите и работодавачите, но недостига инспекциски надзор и јавна промоција

admin

Последен ден на Ковачевски во премиерската фотелја

admin

АНГЕЛА АГЕЛЕР ЗА „ЦРНИТЕ ЛИСТИ“: САД знаат дека тие лица биле вмешани во коруптивни активности

admin