9.8 C
Скопје
27 февруари, 2024
Inbox7.mk
ВЕСТИРЕГИОН

КОВАЧЕВСКИ ЈА ОТФРЛИ ИДЕЈАТА ЗА ЗАЕДНИЦА НА АЛБАНСКИ ОПШТИНИ

Предлогот за формирање заедница на албански општини во Северна Македонија по урнекот на заедницата на српски општини во Косово е неприфатлив за премиерот Димитар Ковачевски, како и за коалициските партнери во владата.

„Односите во нашата држава се решени со Охридски рамковен договор кој го потпишаа претставници на сите политички партии – и на Македонците, и на Албанците, за кој гаранција се САД и Европската Унија. Врз основа на тој Охридски рамковен договор, Северна Македонија денес претставува пример за соживот и остварување на правата на сите етнички заедници во државата и врз негова основа во нашата држава се изградени институции за заштита и унапредување на правата на помалите заедници на највисоко ниво споредено со сите други држави во Европа“, изјави Ковачевски во понеделникот.

Според Ковачевски, во Косово веќе постои друг договор кој е потпишан помеѓу две страни и кој ги решава проблемите што постоеле во минатото во таа земја.

„Оттука сметам дека таквиот предлог е неприфатлив, несериозен, нееверопски и неамерикански“, рече Ковачевски.

Лидерите на Србија и Косово, Александар Вучиќ и Албин Курти во понеделник во Брисел треба да одлучат дали ќе направат чекор натаму во нормализацијата на односите меѓу двете земји, а една од клучните проблематични точки во преговорите е договорот за формирање на Заедница на српски општини во некогашната југословенска покраина. Актуелната влада во Приштина се противи да го прифати формирањето на таа заедница, а премиерот Курти во една прилика го оцени тој чекор како „апартхејд“.

Политичката партија Алтернатива, која до неодамна беше од владата во Северна Македонија, викендов преку соопштение повика да се започне иницијатива за формирање заедница на албански општини во Северна Македонија, по сличен модел како и косовскиот.

Предлогот го отфрлија и ДУИ и ЛДП.

Related posts

Истражување на РСЕ: Руси поврзани со Кремљ вработени во највисокото европско безбедносно тело

admin

Само 17 пратеници “за”: Зошто пропадна обидот за амнестија?

admin

ММФ излезе со извештај за С.Македонија, се критикува задоцнувањето на даночната реформа

admin

Ветингот му пресуди на претседателот на Уставниот суд на Албанија

admin

Зеленски предложи компромис: Украина е подготвена да прифати безбедносни гаранции, кои не вклучуваат членство во НАТО

ninja

МИЦКОВСКИ ДО ВЛАСТА: Јавно ја анатемирате Руската федерација, а номинирате вљубеник во ликот на Путин за уставните измени

admin