4.8 C
Скопје
18 април, 2024
Inbox7.mk
ВЕСТИ

ПРВИОТ ЧОВЕК НА МАНУ ГИ ПОВИКА ПРАТЕНИЦИТЕ ДА ГЛАСААТ ПРОТИВ УСТАВНИТЕ ИЗМЕНИ

Земјата треба да чекори по европскиот пат, но достоинствено и ќе има повеќе шанси да биде рамноправна членка во ЕУ ако каже не на уставните измени, истакна денеска во своето експозе претседателот на Македонската академија на науките и уметностите, Љупчо Коцарев на редовното Годишно собрание на највисоката научна и уметничка институција во државата.

„За да чекориме достоинствено по европскиот пат ги повикувам сите 120 пратеници во македонското Собрание едногласно да се изјаснат против уставните измени – тоа ќе биде мал чекор за нив, но огромен за Македонија. Ако сега кажеме не, колку и да се чини на прв поглед парадоксално и противречно Македонија ќе има повеќе шанси да биде рамноправна членка во ЕУ да опстои и да не се распадне. Во спротивно ако дозволиме уставни промени тоа ќе значи широко отворање на портите за други нови нестварни и небулозни барања што ќе повлече соочување со уште поголеми искушенија. Промената на Уставот е првото пробно дури можеби и не толку застрашувачко барање – другите посурови и позастрашувачки барања ќе дојдат подобри по започнување на пристапните преговори“, порача академик Коцарев.

Според него, што се однесува до ЕУ треба да се постави прашањето дали ЕУ воопшто размислува за проширување, ако, меѓу другото се земат предвид проценките на Европската инвестициска банка дека трошоците за обнова на Украина ќе изнесуваат приближно еден трилион евра што одговара на целиот буџет на ЕУ за периодот 2021-2027 година, а Германија чиј индустриски модел, вели, почнува да пропаѓа, нема фискален капацитет да обезбеди ниту дел од оваа сума.

Во своето експозе Коцарев се осврна и на односот на власта кон Академијата, оценувајќи дека тој не е сменет во изминатите 30-тина години. Наместо да го искористи интелектуалниот капацитет на академиците и во корелација со нив и со стратегиите кои ги има заеднички да градат модерна, развиена демократска држава, власта вели, „со сите сили настојува да ја задуши, оневозможи, омаловажи и да ја маргинализира работата на МАНУ“.

Паралелно со говорот на Коцарев, вработени од академијата со транспаренти пред влезот на објектот бараа покачување на платите. Велат, раководството сочувствува со нив но не презема конкретни чекори.

Related posts

Курти и Вучиќ, сепак, потврдуваат учеството на средбата во Брисел

admin

Неочекуван потег: Мишел ќе се кандидира за европратеник

admin

Бројни нерешени афери во здравството среде скандалот на онкологија

admin

Германија: Се шират протестите против десничарската АфД

admin

Ердоган: Никој не може да го спречи “Векот на Турција”

admin

Мицотакис или Ципрас, кој ќе победи на парламентарните избори во Грција?

admin