12.8 C
Скопје
28 мај, 2024
Inbox7.mk
ВЕСТИ

АГЕЛЕР ЗА „ЦРНАТА ЛИСТА“: СТОЈАМ ЗАД ТОА ШТО ГО КАЖАВ, НО ИНФОРМАЦИЈАТА ЌЕ ДОЈДЕ ОД ВАШИНГТОН

Сите тие лица се истражуваат за да може да се донесат соодветни санкции, рече американската амбасадорка после најавата дека повеќе од едно лице од земјава би се нашло на т.н. црна листа на САД за санкции

Постојат повеќе листи, согласно кои различни лица се истражуваат во различни контексти за корупција, рече, меѓу другото, амбасадорката на САД, Анџела Агелер одговарајќи на новинарски прашања при посетата на воениот полигон „Криволак“.

Таа истакна дека Ричард Нефју, координаторот за антикорупција на американскиот Стејт Департмент, кој денеска беше во посета на земјава, не е дојден за да ги соопшти имињата на лицата што од земјава ќе се најдат на т.н. црна листа на САД за санкции.

„Тој не е тука да открива имиња за црната листа, ниту нешто слично. Туку е тука за да се дискутираат процесите, санкциите, протоколите коишто владата на САД ги има за прашањето за корупцијата“, рече Агелер.

Таа нагласи дека амбасадата е во постојана комуникација со Вашингтон, кога станува збор за прашањето за корупција.

„Мислам дека господинот Нефју е еден добар сојузник и промотор на сите овие процеси за борба против корупцијата, којашто сметам дека и за вас е едно од најважните прашања“, посочи амбасадорката.

Воедно Агелер потврди дека повеќе од едно лице од земјава се очекува да се најде на т.н. црна листа на САД.

„Стојам зад тоа што го кажав пред некој ден и сметам дека е вистина. Меѓутоа информациите сепак треба да дојдат од Вашингтон. Јас не можам да ви дадам ниту некои временски рокови, ниту број за тоа колку лица би биле откриени“, рече амбасадорката потврдувајќи го уште еднаш искажаниот податок дека повеќе од едно лице од земјава ќе се најде на т.н. црна листа на САД за санкции.

Агелер воедно додаде и дека постојат повеќе листи поврзани со коруптивни дејства.

 

Постојат повеќе листи, согласно кои различни лица се истражуваат можеби во различни контексти во однос на корупцијата. Сите тие лица се истражуваат за да може да се донесат соодветни санкции

„Постојат повеќе листи, согласно кои различни лица се истражуваат можеби во различни контексти во однос на корупцијата. Сите тие лица се истражуваат за да може да се донесат соодветни санкции“, нагласи американската амбасадорка, која заедно со министерката за одбрана, Славјанка Петровска присуствуваше на вежба со хеликоптери на копнените сили на САД.

Координаторот за антикорупција на американскиот Стеј Дептартмент денеска се сретна со претседателот Стево Пендаровски. Според изјавата на амбасадорката Агелер, на средбата станало збор за процесите и протоколите на американските власти во однос на листата за корупција.

Од кабинетот на Пендаровски, пак, излегоа само со соопштение во кое, меѓу другот, се вели дека актуелни теми врзани со борбата против корупцијата и напорите на државата за воспоставување ефикасен систем за превенција на корупцијата и судирот на интереси, биле во фокусот на денешната средба.

Related posts

Мицкоски: Дипломатите не не разбираат кога ни велат да попуштиме за бугарските барања

admin

Израел врши воздушни напади на Западниот Брег и Сирија, убива командант на Хамас

admin

Тренчевска: Стравовите за безбедноста на работниците бргу ќе исчезнат затоа што „Бехтел и Енка“ е сериозна компанија

admin

Курти алармира: Радоичиќ планира нови напади на Косово

admin

Независност 32 години: Каде бевме, до каде стигнавме?

admin

Долгогодишниот советник на Меркел се соочува со критики поради коментарите за Израел и Хамас

admin